არასოდეს არ ვყოფილვართ ისე ახლოს ხელახალ არჩევნებთან, როგორც ახლა, - ამის შესახებ „ნაციონალური მოძრაობის“ თავმჯდომარემ, ნიკანორ მელიამ ჟურნა,ისტებთან საუბრისას განაცხადა.

მისი თქმით, ძალიან მალე ქვეყანაში ხელახალი არჩევნები ჩაინიშნება.

„ძალიან ვაფასებ თქვენს ამ მხარდაჭერას და მინდა დაგარწმუნოთ, რომ თქვენი ძალისხმევა უკვალოდ არ ჩაივლის. უახლოეს მომავალში, რისთვისაც უკანასკნელი თვეების განმავლობაში, განსაკუთრებით კი მას შემდეგ, რაც მოპარული არჩევნები სახეზე გვქონდა, არ გავუფორმეთ „ქართულ ოცნებას“ მოპარული არჩევნები. ვიბრძოლეთ ერთი დღე, ორი დღე და დღემდე ვიბრძვით მოპარული არჩევნებისთვის. არასოდეს არ ვყოფილვართ ისე ახლოს ხელახალ არჩევნებთან, როგორც ახლა. მთავარია, ბოლომდე მივიყვანოთ დაწყებული საქმე და ძალიან მალე ახალი არჩევნები ჩაინიშნება, გამორიცხული ამბავია.

ახლა მთავარია ქვეყანაში ჩატარდეს ახალი არჩევნები, სამართლიანი, ობიექტური და იქვე საკანონმდებლო ცვლილებებიც განხორციელდეს და არჩევნები სხვა ადამიანის ხელმძღვანელობის ქვეშ ჩატარდეს. ვინ რა სახის ერთობას შექმნის, ეს შემდეგი საკითხია. მთავარია, ამომრჩეველს მიეცეს შესაძლებლობა, ხმა, რომელსაც იგი მისცემს ნებისმიერ საარჩევნო სუბიექტს, დაცული იყოს. ჩვენ, ოპოზიციამ ვერ ვუზრუნველყავით ყველა იმ ხმის დაცვა ჯამურად, მაგრამ გამოვავლინეთ, რომ არჩევნები გაყალბებული იყო. შესაბამისად, ჩვენ დავდეთ მანდატი, ამიტომ თუკი ვინმეს ოდნავ მაინც აქვს დაგროვებული პოლიტიკური ცხოვრების თვალყურის მიდევნების გამოცდილება, ეჭვი არ უნდა ეპარებოდეს, რომ ამ ქვეყანაში არჩევნები ჩატარდება“, - განაცხადა ნიკა მელიამ.

ავტორი: ექსპრესნიუსი,

სოციალური ქსელები

ევროკავშირის ახალი ინიციატივები აზერბაიჯანისთვის და სომხეთისთვის, საქართველო ბორტს მიღმაა

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური