2021-02-18 15:48:18, 565 ნახვა
პოლიტიკა
არ შეგარჩენთ მოპარულ არჩევნებს - „ქართული ოცნების“ ცენტრალურ ოფისთან აქცია მიმდინარეობს
არ შეგარჩენთ მოპარულ არჩევნებს - ამ ტრანსფარანტით „ქართული ოცნების“ ცენტრალურ ოფისთან, სადაც პოლიტსაბჭოს სხდომა მიმდინარეობს, სამოქალაქო აქტივისტები აქციას მართავენ.
როგორც დემონსტრანტები აცხადებენ, მათი ძირითადი მოთხოვნაა, ქვეყანაში ჩაინიშნოს ვადამდელი არჩევნები.
ამასთანავე, აქციის მონაწილეები „ნაციონალური მოძრაობის“ თავმჯდომარის, ნიკა მელიას უკანონო პატიმრობას აპროტესტებენ.
შეგახსენებთ, რომ „ქართული ოცნების“ ცენტრალურ ოფისში პოლიტსაბჭოს სხდომა მიმდინარეობს, რომლის დასრულების შემდეგ, დაიწყება უმრავლესობის შეხვედრა, სადაც, სავარაუდოდ პრემიერ-მინისტრის თანამდებობის დატოვების შესახებ გადაწყვეტილებას განიხილავენ და შესაბამისად, მთავრობის ფორმირების საკითხზე იმსჯელებენ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
