მოვუწოდებ ნიკა მელიას დაემორჩილოს კანონს, წანააღმდეგ შემთხვევაში ხელისფულება დააპატიმრებს, - ამის შესახებ „ქართული ოცნების" თავმჯდომარემ, ირაკლი კობახიძემ პარტიის ოფისსში გამართულ ბრიფინგზე განაცხადა.

ირაკლი კობახიძე პრემიერ-მინისტრ გიორგი გახარიას მიერ თანამდებობის დატოვებას გამოეხმაურა და აღნიშნა, რომ გიორგი გახარიას არგუმენტები, ნიკა მელიას მიმართ სასამართლო გადაწყვეტილების აღსრულების ვადებთან დაკავშირებით, არ იყო საკმარისად გამყარებული არგუმენტებით.

„როგორც მოგეხსენებათ, პრემიერ-მინისტრმა გიორგი გახარიამ მიიღო გადაწყვეტილება თანამდებობიდან გადადგომის შესახებ, გიორგი გახარია იყო ჩვენი პოლიტიკური გუნდის წევრი, სამწუხაროა, რომ მან მიიღო ასეთი გადაწყვეტილება.

ჩვენს პოლიტიკურ გუნდში ნამდვილად იყო დისკუსია ნიკანორ მელიას მიმართ სასამართლოს გადაწყვეტილების აღსრულების ვადებთან დაკავშირებით. გიორგი გახარიას ჰქონდა გუდის სხვა წევრბისგან განსხვავებული პოზიცია ამ საკითხზე, თუმცა არგუმენტები, რომლებიც გაამყარებდა მის პოზიციას, ჩვენ ვერ მოვისმინეთ.

ქვეყანა, სადაც არ არის უზრუნველყოფიი კანონის აღსრულება, მითუმეტეს იმ პირობებში, როდესაც მას დამნაშავეები ასეთი უხეში გმოწვევის წინაშე აყენებენ, ვერ შედგება როგორც სახელმწიფო. უფრო მეტიც, სწორედ კანონის სათანადოდ არ აღსრულებაა ის, რაც ხელს შეუწყობს პოლიტიკურ რადიკალიზაციასა და პოლარიზაციას ქვეყანაში.

ჩვენი, როგორც ხელისუფლების პასუხისმგებლობაა მყარად და მკაცრად დავიცვათ სახელმწიფოს ღირსება. პრემიერ-მინისტრის გადადგომის ფონზე, შს მინისტრმა მიიღო სრულიად ლოგიური გადაწყვეტილება, ნიკა მელის პროცესის დროებით გადადების შესახებ.

ახლა ჩვენი პოლიტიკური გუნდის ყურადღება მთლიანადაა კონცენტრირებული ახალი მთავრობის ფორმირებაზე, მოვუწოდებთ ნიკა მელიას დაემორჩილოს კანონს, წინააღმდეგ შემთხვევაში ხელისუფლება უზრუნველყოფს კანონის აღსრულებას და მის დაპატიმრებას“, - განაცხადა ირაკლი კობახიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ