ქუთაისის საკრებულოს თავმჯდომარე დავით დვალი უფლებამოსილებას იჩერებს. ამის შესახებ დვალმა დღეს გამართულ ბრიფინგზე განაცხადა.

დვალის განმარტებით, აღნიშნული გადაწყვეტილება მის მიმართ გამოთქმული ბრალდებების გამო მიიღო. კერძოდ, ქუთაისში მოქმედი არასამთავრობო ორგანიზაცია ”საზოგადოებრივი ინტერესების დაცვის ცენტრის” დირექტორი სულხან ქობულაძე მას  ცემაში ადანაშაულებს. ფაქტზე დაწყებულია გამოძიება. დავით დვალის თქმით, უფლებამოსილებას სწორედ, გამოძიების დასრულებამდე იჩერებს.

საკრებულოს თავმჯდომარის მოვალეობას დავით დვალის მოადგილე, ნიკოლოზ ლატარია შეასრულებს.

შეგახსენებთ, ქუთაისში მოქმედი არასამთავრობო ორგანიზაცია ”საზოგადოებრივი ინტერესების დაცვის ცენტრის” დირექტორმა ქუთაისის საკრებულოს თავმჯდომარე დავით დვალი ცემაში დაადანაშაულა. მისი თქმით, დვალთან დაპირისპირება “ფეისბუქზე” გამოქვეყნებულმა პოსტმა გამოიწვია, რომელშიც მან საკრებულოს თავმჯდომარე  ყვარყვარიზმის მიმდევრად მოიხსენია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია