2021-02-02 11:40:03, 912 ნახვა
მსოფლიო
სომხეთმა აზერბაიჯანის წინააღმდეგ სტრასბურგის სასამართლოში სარჩელი შეიტანა
სომხეთმა აზერბაიჯანის წინააღმდეგ სტრასბურგის სასამართლოში სარჩელი შეიტანა.
როგორც ადგილობრივი მედია იუწყება, სომხეთის მთავრობამ აზერბაიჯანის წინააღმდეგ წარადგინა სახელმწიფოთაშორისი სარჩელი ადამიანის უფლებათა ევროპულ სასამართლოში. მედიის ინფორმაციით, „სარჩელი ეხება აზერბაიჯანის მიერ 44-დღიანი ომის დროს და შემდეგ პერიოდში ჩადენილ კონვენციურ დარღვევებს“.
სომხეთის მთავრობა აცხადებს, რომ აზერბაიჯანმა დაარღვია სიცოცხლის, ხელშეუხებლობის, საკუთრების, პირადი და ოჯახური ცხოვრების, განათლებისა და რიგი სხვა უფლებები, ასევე აწამეს და არაადამიანური დამოკიდებულება გამოავლინეს მოსახლეობისადმი არცახში.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
