ვაშინგტონში, კაპიტოლიუმის შენობაში განვითარებული მოვლენების დროს დაშავებული პოლიციის ოფიცერი გარდაიცვალა.

ამის შესახებ ინფორმაციას კაპიტოლიუმის პოლიციის დეპარტამენტი ავრცელებს.

მათივე ცნობით, ოფიცერი ბრაიან სიკნიკი 7 იანვარს საღამოს, დაახლოებით, 21:30 საათზე საავადმყოფოში გარდაიცვალა.

ის კაპიტოლიუმის პოლიციის დეპარტამენტში 2008 წლის ივლისიდან მუშაობდა. მის გარდაცვალებას USCP და კაპიტოლიუმის პოლიციის დეპარტამენტის ფედერალური პარტნიორები იძიებენ.

ცნობისთვის, ვაშინგტონში, სადაც საპრეზიდენტო არჩევნების შედეგებს ამტკიცებდნენ, დონალდ ტრამპის მხარდამჭერები კაპიტოლიუმის შენობაში შეიჭრნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა, არეულობის შედეგად კი ოთხი ადამიანი დაიღუპა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის