18-29 იანვარს, RS CAR გადასახადის გადამხდელებს 14 ლოკაციაზე მოემსახურება

2021-01-04 16:36:59, 778 ნახვა

ეკონომიკა

18-29 იანვარს, ფინანსთა სამინისტროს შემოსავლების სამსახურის მოძრავი სერვისცენტრი - RS CAR - გადასახადის გადამხდელებს 14 ლოკაციაზე, იმ რეგიონებში მოემსახურება, სადაც შემოსავლების სამსახურის სერვისცენტრები არ არის განთავსებული. RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება. კერძოდ: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდის სარგებლობის მიზნით, ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. ასევე, მაღალმთიანი დასახლების საწარმოს სტატუსის მინიჭება/შეჩერება/შეწყვეტის განცხადებების მიღება. აგრეთვე, შესაძლებელია შემოსავლების სამსახურის კომპეტენციის ფარგლებში შესაბამისი ცნობების გაცემა (საგადასახადო დავალიანების, გადამხდელის რეგისტრაციის, დღგ-ის რეგისტრაციის, შემოსავლების შესახებ და სხვა) და ა.შ.

N	ადგილი	თარიღი	მისამართი	დრო
1	ხონი	18.01.2021	გამგეობის შენობის მიმდებარე ტერიტორია	10:00-17:00
2	თეთრიწყარო	18.01.2021	თამარ მეფის ქ. N 34, გამგეობის მიმდებარე ტერიტორია	10:00-17:00
3	ტყიბული	20.01.2021	კარლო ლომაძის მოედანი, გამგეობის შენობის მიმდებარე ტერიტორია	10:00-17:00
4	გურჯაანი	20.01.2021	ნონეშვილის გამზ. N13, გამგეობის შენობასთან	10:00-17:00
5	ყვარელი	21.01.2021	კუდიგორის ქ. N 1, მუნიციპალიტეტის შენობასთან	10:00-17:00
6	მესტია	22.02.2021	სეტის ქ.# 1	10:00-17:00
7	ახმეტა	22.01.2021	ბიძინა ჩოლოყაშვილის ქ. N49, გამგეობის შენობასთან	10:00-17:00
8	ონი	25.01.2021	აღმაშენებლის მოედანი N1, საკრებულოს წინ	10:00-17:00
9	დმანისი	25.01.2021	წმინდა ნინოს ქ. N 41, გამგეობის შენობის წინ	10:00-17:00
10	აბაშა	26.01.2021	ჯორჯიკიას ქ. N 3, "ლიბერთი ბანკი"-ს წინ	10:00-17:00
11	კასპი	26.01.2021	სააკაძის ქ. N 68, საკრებულოს შენობასთან	10:00-17:00
12	მარტვილი	27.01.2021	თავისუფლების ქ. N 10, მუზეუმის წინ	10:00-17:00
13	ასპინძა	28.01.2021	მეფე თამარის ქუჩის დასაწყისი, "თიბისი ბანკი"-ს მიმდებარე ტერიტორია	10:00-17:00
14	ყაზბეგი	29.01.2021	გამგეობის შენობის მიმდებარე ტერიტორია	10:00-17:00