2021-01-04 14:40:01, 773 ნახვა
პოლიტიკა
შალვა ნათელაშვილი - ფაქტობრივად, აღდგენილია საბჭოთა კავშირი - შენგენის ზონაში გასასვლელად შსს-ს თანხმობა გვჭირდება
„ლეიბორისტული პარტიის“ ლიდერი, შალვა ნათელაშვილი შენგენის ზონაში გასასვლელად ახალ რეგულაციებს ეხმაურება.
ნათელაშვილი ამბობს, რომ დღეს შენგენის ზონაში გასასვლელად გვჭირდება იმ ორგანოების თანხმობა, ვინც არჩევნებს გვიყალბებს და ამით, ფაქტობრივად, საბჭოთა კავშირი აღდგა.
„მთავრობამ ახალი წელი მოგვილოცა იმით, რომ შეზღუდა ევროპაში თავისუფალი გადაადგილების ისტორიული მონაპოვარი ჩვენი ხალხისა. აღდგენილია, ფაქტობრივად, საბჭოთა კავშირი. დღეს შენგენის ზონაში გასასვლელად გვჭირდება იმავე ორგანოების თანხმობა, ვინც გვიყალბებს არჩევნებს და თავზე გვამხობს ქვეყნიერებას“, - განაცხადა ნათელაშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
