„ჩვენი პარტიიდან არც  ერთი დეპუტატი არ აპირებს დარიცხულ ხელფასებს ხელი მოკიდოს“, - ამის შესახებ პარტია „ერთიანი ნაციონალური მოძრაობის“ წევრმა ზაალ უდუმაშვილმა ჟურნალისტებთან განაცხადა.

მან ასევე აღნიშნა, რომ პარტიას ჯერ არ გადაუწყვეტია რა დანიშნულებით გამოიყენებს პარტია სადეპუტატო ხელფასებს.

„მე ვფიქრობ, ესეც მორიგი სიცრუეა. ძალიან მარტივი იქნებოდა, რომ კობახიძეს კონკრეტული გვარები დაესახელებინა, ვინ მოითხოვა ხელფასის ჩარიცხვა და მერე ეს პოლიტიკოსები თავად გასცემდნენ პასუხს.

ვინაიდან ზოგადი, ბუნდოვანი განცხადება გააკეთა, ეს იმას ნიშნავს, რომ რეალურად ასეთი ფაქტები არ არსებობს.

რაც შეეხება პარლამენტის იმ წევრებს, რომლებსაც დაერიცხათ ხელფასი იმიტომ, რომ ისინი წინა მოწვევის პარლამენტში იყვნენ, ახლა ჩვენი პარტიიდან გამომდინარე შემიძლია გითხრათ, რომ არც ერთი დეპუტატი არ აპირებს ხელი მოკიდოს ამ ფულს.

ამ ფულს გამოვიყენებთ ქველმოქმედებისთვის, ან რაღაც სხვა მიზნებისთვის, ან ისევ ხაზინაში დავაბრუნებთ. დავსხდებით და ამაზე მოვილაპარაკებთ, მივიღებთ საერთო გადაწყვეტილებას“, - განაცხადა ზაალ უდუმაშვილმა.

ავტორი: ექსპრესნიუსი,

სოციალური ქსელები

„ეს სასარგებლო იქნება“: ტრამპს პუტინის ნახვა აშშ-ში G20-ის სამიტზე სურს

PSP-ს კამპანიის „ჩიტებს ფრენა არ ავიწყდებათ“ კიდევ ერთი საერთაშორისო აღიარება - CLIO Awards-ის 2 ჯილდო მოიპოვა

პოლიციამ ძარცვის, ქურდობისა და კომპიუტერული მონაცემის ხელყოფის ბრალდებით ოთხი არასრულწლოვანი დააკავა

თბილისში, ბინაში უცხო ქვეყნის მოქალაქე მოკლა და მიიმალა - შსს-მ 1 პირი დააკავა