„ბოდიში უნდა მოვიხადოთ, რადგან არ ვიცით, რამდენი ადამიანი შეიძლება დაზარალებულიყო“, - ამის შესახებ ვიდეო მიმართვის დროს დეკანოზ თეოდორე გიგნაძემ განაცხადა.

მან ასევე აღნიშნა, რომ საეკლესიო პირებიდან გრძელდებოდა საუბარი „ცრუპანდემიაზე“, რითაც ეკლესია ეურჩებოდა რეგულაციებს.

„გრძელდებოდა საუბარი „ცრუპანდემიაზე“, ვეურჩებოდით სახელმწიფო რეგულაციებს. სხვათა შორის, სახელმწიფო რეგულაციებისადმი ურჩობა იყო ურჩობა საეკლესიო მმართველობის წინააღმდეგაც, იმიტომ, რომ ისინი თანამშრომლობდნენ.

ჩვენ ვიცით მაგალითები, როდესაც ცალკეული სასულიერო პირები გამოდიოდნენ და საწინააღმდეგოს ამბობდნენ, მღვდელს საწინააღმდეგოს ეუბნებოდნენ, ეს იწვევდა რეგულაციების დარღვევას და, შესაბამისად, ხიფათში თავის შეყოფას. გასაგებია, რომ ღვთის გარეშე არც არაფერი არ მოხდება, მაგრამ განსაცდელში თავი არ უნდა შეყო. არ უნდა გამოსცადო უფალი შენი.

ბოდიში იმიტომ, რომ ჩვენ არ ვიცით, რამდენი ადამიანი შეიძლებოდა, დაზარალებულიყო. მაგალითად, მე ვეუბნები მრევლს, რომ არაფერი დისტანცია, არაფერი ნიღაბი არ გაიკეთო. ჩვეულებრივად ვიყოთ. მე შემიძლია თვალი მივადევნო ამას რა ნაყოფი მოჰყვება? მაგალითად, ამან ვიღაცას გადასდო, მერე იმან ბებიას გადასდო, მერე ვიღაც გარდაიცვალა, დამძიმდა, დაინვალიდდა. შემიძლია ამას მივადევნო თვალი? არ შემიძლია. ბუნებრივია, ბოდიში უნდა მოვიხადო“,  – განაცხადა დეკანოზ თეოდორემ.

ავტორი: ექსპრესნიუსი,

სოციალური ქსელები

„საზოგადოება იწყებს დაღლას.“ პუტინის რეიტინგი საპენსიო რეფორმის შემდეგ მკვეთრად დაეცა.

საააპელაციო სასამართლომ საბა ჯიქიას გამამტყუნებელი განაჩენი ძალაში დატოვა

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია