2020-12-20 13:51:41, 627 ნახვა

---

სახლი არ მაქვს, მპირდებიან და რაც მაქვს მაგასაც მინგრევენ - აფრიკის დასახლებაში სახლების დემონტაჟი გაგრძელდება

„სახლი არ მაქვს, მპირდებიან და რაც მაქვს მაგასაც მინგრევენ“, - ამის შესახებ აფრიკის დასახლებაში მცხოვრებმა ტელეკომპანია „ფორმულას“ ეთერში განაცხადა.

როგორ მან აღნიშნა, სახლი ინვალიდობის პენსიითა და ბანკის ვალით აქვს აშენებული.

„დღეს არის ბოლო დღე, დღეს ნებით უნდა დავშალო თუ არადა ხვალ ან ზეგ, ეს მათთვის პრობლემა არ არის, მოვლენ და დაანგრევენ.

არანაირი საცხოვრებელი არ გვაქვს, 28 წელია მპირდებიან ბინას, მაგრამ მართლა არ მაქვს ბინა, რომ მქონოდა ამ პირობებში ნამდვილად არ ვიცხოვრებდი.

ინვალიდობის პენსიით გაკეთებული სახლია, ბანკის ვალიც მაქვს და ეს უნდა დამენგრეს და ვალიც უნდა დამრჩეს“, - განაცხადა გიგი ჩანგელიას დედამ

შეგახსენებთ, რომ თბილისის მერიამ აფრიკის დასახლებაში უკანონო შენობა-ნაგებობების დემონტაჟი რამდენიმე დღის წინ დაიწყო, დარჩენილი შენობა-ნაგებობების მეპატრონეებს ოთხ დღიანი ვადა მიეცათ, რათა უკანონო ნაგებობები თავად დაშალონ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი