„ქართულმა ოცნებამ“ საპარლამენტო თანამდებობებზე კანდიდატები დაასახელა.

ირაკლი კობახიძის განცხადებით, მე-10 მოწვევის პარლამეტის თავმჯდომარის კანდიდატურას არჩილ თალაკვაძე დაიკავებს, ხოლო თავმჯდომარის პირველი მოადგილის პოსტს კი გიორგი ვოლსკი.

პარლამენტის თავმჯდომარის მოადგილეები კახა კუჭავა, რომელიც საგარეო მიმართულებებით იმუშავებს და დავით სერგეენკო იქნებიან.

საპარლამენტო უმრავლესობის ლიდერი ირაკლი კობახიძე იქნება, ფრაქცია „ქართული ოცნების“ თავმჯდომარე კი მამუკა მდინარაძე.

იურიდიულ საკითხთა კომიტეტს ანრი ოხანაშვილი, ადამიანთა უფლებების დაცვისა და სამოქალაქო ინტეგრაციის კომიტეტს კი მიხეილ სარჯოლაძე ჩაიბარებს.

თავდაცვისა და უშიშროების კომიტეტის თავმჯდომარის პოსტზე ირაკლი ბერაია იქნება წარდგენილი, საპროცედურო საკითხთა და წესდების კომიტეტის თავმჯდომარე ირაკლი ქადაგიშვილი იქნება.

რეგიონალური პოლიტიკისა და თვითმმართველობის კომიტეტს სოზარ სუბარი, საფინანსო-საბიუჯეტო კომიტეტს ირაკლი კოვზანაძე, ხოლო დარგობრივ-ეკონომიკურ კომიტეტს კი დავით სონღულაშვილი ჩაიბარებს.

აგრარულ საკითხთა კომიტეტის თავმჯდომარე ნინო წილოსანი, გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე იქნება.

დასახელებულ კანდიდატებს კენჭს ახალი მოწვევის პარლამენტი ხვალ პირველ სხდომაზე უყრის.

ავტორი: ექსპრესნიუსი,

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა