2015-09-27 10:55:57, 559 ნახვა
საზოგადოება
პრობაციონერებმა რთველში მიიღეს მონაწილეობა
სასჯელაღსრულებისა და პრობაციის სამინისტროს თანამშრომლები, 15 პირობით მსჯავრდებულთან ერთად, თელავის მუნიციპალიტეტის სოფელ შალაურში მცხოვრებ ხანდაზმულ ქალბატონს, გულნაზ ჯავახიშვილს ყურძნის მოსავლის აღებაში დაეხმარნენ.
სტუმრებმა მევენახე ქალბატონის ნაკვეთში დაახლოებით 3 ტონა, რქაწითელისა და საფერავის ჯიშის ყურძენი დაკრიფეს. სამინისტროს თანამშრომლები გულნაზ ჯავახიშვილს მოსავლის რეალიზაციაშიც დაეხმარნენ.
პრობაციის ეროვნული სააგენტოს ორგანიზებით, პირობით მსჯავრდებულები ხშირად უწევენ დახმარებას მოსახლეობას მოსავლის აღებასა და სხვა სამეურნეო საქმიანობაში. მსგავს ჰუმანიტარულ აქციებში პრობაციონერთა ჩართულობა ხელს უწყობს საზოგადოებაში მათ რეინტეგრაციას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
