საზოგადოებრივი ინტერესიდან გამომდინარე, იუსტიციის სამინისტრო გოჩა ლორთქიფანიძესა და კარლ ჰარცელს შორის გამართულ შეხვედრასთან დაკავშირებით განცხადებას ავრცელებს. 

ერთ-ერთი ტელეკომპანიის ეთერში გავრცელდა დეზინფორმაცია იუსტიციის სამინისტროში გამართულ შეხვედრაზე - თითქოსდა ევროკავშირის ელჩი კარლ ჰარცელი თეა წულუკიანს შეხვდა.  ჟურნალისტმა ჩართვისას აღნიშნა: „არსებობდა მოლოდინი, ხომ არ იყო 5 პირის გათავისუფლებაზე საუბარი თეა წულუკიანთან, თუმცა კარლ ჰარცელმა არ დაგვიდასტურა ინფორმაცია და უარყო, რომ თეა წულუკიანთან ამ საკითხზე მსჯელობდა“.   ჟურნალისტმა ჩართვაში იუსტიციის მინისტრად თეა წულუკიანი მოიაზრა და შეხვედრა, რომელიც რეალურად იუსტიციის მინისტრის მოვალეობის შემსრულებელ გოჩა ლორთქიფანიძესა და  კარლ ჰარცელს შორის შედგა, საერთოდ სხვა პროცესს დაუკავშირა

საზოგადოებისთვის კარგად არის ცნობილი, რომ თეა წულუკიანი იუსტიციის მინისტრი აღარ არის და რომ იუსტიციის მინისტრის მოვალეობას გოჩა ლორთქიფანიძე ასრულებს, მით უმეტეს, ეს კარგად უნდა იყოს ცნობილი ტელეარხისთვისაც.

რეალურად, 24 ნოემბერს იუსტიციის მინისტრის მოვალეობის შემსრულებელსა და საქართველოში ევროკავშირის ელჩს შორის გეგმური შეხვედრა გაიმართა. კარლ ჰარცელისა და გოჩა ლორთქიფანიძის შეხვედრას, ასევე, ესწრებოდნენ მიგრაციის საკითხთა სამთავრობო კომისიის სამდივნოს აღმასრულებელი მდივანი გიორგი ჯაში და საქართველოში ევროკავშირის წარმომადგენლობის თანამშრომლობის მიმართულების ხელმძღვანელი ზიგრით ბრეტელი.

შეხვედრის მიზანს წარმოადგენდა საქართველოსა და ევროკავშირს შორის უვიზო მიმოსვლის საკითხების განხილვა და არსებულ გამოწვევებზე მსჯელობა. ამასთან, ელჩისგან მიღებულ იქნა ინფორმაცია მიგრაციის სფეროში იმ ახალი რეგულაციების შესახებ, რაზეც ამჟამად მიმდინარეობს მუშაობა ევროკავშირის ფარგლებში.  

გოჩა ლორთქიფანიძემ კარლ ჰარცელს ინფორმაცია მიაწოდა საქართველოს იუსტიციის სამინისტროს ხელმძღვანელობით განხორციელებულ რეფორმებზე, რომელთა მიზანი მიგრაციის მართვა და ევროკავშირთან უვიზო მიმოსვლის შენარჩუნებაა. შეხვედრის ბოლოს იუსტიციის მინისტრის მოვალეობის შემსრულებელმა ევროკავშირის ელჩს მადლობა გადაუხადა საქართველოსა და ევროკავშირს შორის წარმატებული თანამშრომლობის პროცესის მხარდაჭერისათვის.

უვიზო მიმოსვლის და მასთან დაკავშირებული გამოწვევების საკითხებზე შეხვედრები ევროკავშირის საქართველოს წარმომადგენლობასთან წელიწადში რამდენჯერმე იმართება, მათ შორის, წლის ბოლოს – შემაჯამებელ ფორმატში, რომლის დროსაც განიხილება სამომავლო თანამშრომლობის ასპექტები.

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს