„ერთიანი ნაციონალური მოძრაობის“ ერთ-ერთი წევრი ზაალ უდუმაშვილი აცხადებს, რომ ოპოზიცია არჩევნების შედეგებს არ აღიარებს, თუმცა ბიუჯეტიდან თანხა ეკუთვნის.

როგორც ზაალ უდუმაშვილი განმარტავს, არჩევნების ლეგიტიმურობა და დაფინანსების საკითხი ერთმანეთთან კავშირში არ არის და აღნიშნული, არჩევნებზე მიღებული ხმების რაოდენობასთანას უკავშირდება.

„არანაირ კავშირში არ არის არჩევნების ლეგიტიმურობა და დაფინანსება. მე შეგახსენებთ, რომ დაფინანსება არა მხოლოდ კეთილი ნება, ეს არის ყველა პოლიტიკური პარტიის  ვალდებულება, ჩვენ კანონი გვავალდებულებს, მივმართოთ, რომ ბიუჯეტიდან გამოყოფილი იქნას გარკვეული თანხები პოლიტიკური პარტიებისთვის და ეს არანაირად არ არის დაკავშირებული, ვინ შედის პარლამენტში და ზოგადად, პარლამენტში შესვლა-არ შესვლასთან. ეს პირდაპირ დაკავშირებულია მიღებული ხმების რაოდენობაზე.

შედეგს არ ვაღიარებთ, მაგრამ ეს არის ის თანხა, რომელიც ბიუჯეტიდან გვეკუთვნის და არა პარლამენტში შესვლის გამო, შევალთ თუ არ შევალთ, ეს თანხა მაინც გვეკუთვნის. კობახიძე რომ ამბობს, დაფინანსებას შევუწყვეტთო, კი ბატონო, მათთან არის ბურთი და მოედანი, მიიღონ ასეთი კანონი, თუ აწყობთ, უბრალოდ, ეს კიდევ უფრო ჩიხურ სიტუაციაში შეიყვანს ვითარებას", - განაცხადა ზაალ უდუმაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს