2020-11-16 10:30:22, 887 ნახვა
მსოფლიო
ნიდერლანდების აეროპორტში კორონავირუსით ინფიცირებული საქართველოს მოქალაქე დააკავეს
ნიდერლანდებში, შიპჰოლის აეროპორტში კორონავირუსით ინფიცირებული საქართველოს მოქალაქე შეურაცხყოფის მცდელობისთვის დააკავეს, - ამის შესახებ ინფორმაციას ადგილობრივი მედია ავრცელებს.
მათი ინფორმაციით, 32 წლის მამაკაცი ნიდერლანდებში საქართველოდან ჩავიდა და მალტაში აპირებდა გამგზავრებას. აეროპორტში შემოწმებისას მას თან აღმოაჩნდა წერილი, სადაც ნათქვამი იყო, რომ კორონავირუსი ჰქონდა.
აღნიშნული პირი კარანტინში გადაიყვანეს, მოგვიანებით კი სამხედრო პოლიციამ დააკავა. ფაქტზე მიმდინარეობს გამოძიება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
