2020-11-10 11:47:21, 909 ნახვა
მსოფლიო
სომხეთის პრეზიდენტი აცხადებს, რომ ყარაბაღის ომის შეწყვეტის შესახებ ინფორმაცია პრესიდან გაიგო
სომხეთის პრეზიდენტმა, არმენ სარგსიანმა განაცხადა, რომ მთიან ყარაბაღში საომარი მოქმედებების შეწყვეტისა და გაფორმებული შეთანხმების შესახებ ინფორმაციას პრესიდან შეიტყო.
„ჩემთან როგორც ქვეყნის პრეზიდენტთან, კონსულტაციები არ გამართულა“, - აცხადებს არმენ სარგსიანი.
შეგახსენებთ, რომ სომხეთის პრემიერ-მინისტრმა ნიკოლ ფაშინიანმა განცხადა, რომ რუსეთისა და აზერბაიჯანის პრეზიდენტებთან ერთად ხელი მოაწერა შეთანხმებას, რომელიც მთიან ყარაბაღში საომარი მოქმედებების შეწყვეტას გულისხმობს. გადაწყვეტილება სომხეთში გააპროტესტეს. მოქალაქეები პარლამენტის შენობაში შეიჭრნენ და სომხეთის პარლამენტის თავმჯდომარეს ფიზიკურად გაუსწორდნენ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
