2020-10-29 11:16:49, 441 ნახვა
საზოგადოება
ჯანდაცვის მინისტრი - დღეისათვის კორონავირუსით ინფიცირებულ პაციენტთა მისაღებად 4639 ადგილია მობილიზებული
ჯანდაცვის მინისტრის ეკატერინე ტიკარაძის განცხადებით, ამ ეტაპზე ქვეყანაში დამატებით 6616 საწოლის მობილიზაციის რესურსი არსებობს.
მისივე თქმით, კოვიდთან ბრძოლაში შესაძლოა, კიდევ 15 საავადმყოფო ჩაერთოს.
„დღეს ქვეყანაში გვაქვს 1709 კოვიდ დადებითი შემთხვევა, ამ ეტაპისთვის ჰოსპიტალებში მკურნალობას გადის 4209 პაციენტი, იმ საავადმყოფოების ბაზაზე, რომელიც დღესდღეობით ჩართულია, კოვიდპანდემიის მართვაში და ასეთი არის 57 საავადმყოფო, მობილიზებულია 4639 ადგილი. ასევე, ჩვენ გვაქვს დამატებითი რესურსი, რომ მობილიზაცია გავუკეთოთ 6616 საწოლს. არსებობს გარკვეული გეგმა, რის შემდეგაც შეგვიძლია ჩავრთოთ კიდევ დამატებით 15 საავადმყოფო შესაბამისად 2000-ზე მეტი საწოლფონდით“, - განაცხადა ეკატერინე ტიკარაძემ.
ავტორი: ექსპრესნიუსი,
epn.ge (@expressnews.ge)
