2020-10-21 10:23:24, 507 ნახვა
პოლიტიკა
„დაუპიპინე ბიძინას“ - თბილისსა და რეგიონებში „ევროპული საქართველოს“ აქცია მიმდინარეობს
„ევროპული საქართველოს“ ორგანიზებით თბილისსა და რეგიონებში საავტომობილო აქცია - „დაუპიპინე ბიძინას“ მიმდინარეობს.
აქცია 10:00 საათზე თბილისში საკრებულოს შენობიდან დაიწყო.
აქციის მონაწილეები აპირებენ, რომ სიგნალებით „ქართული ოცნების“ თავმჯდომარის, ბიძინა ივანიშვილის ბიზნეს ცენტრთან გადაინაცვლონ.
ამასთან, დაგეგმილია, რომ 14:30 საათიდან, „ევროპული საქართველოს“ აქტივისტები აღმოსავლეთ საქართველოდან თბილისში ბიძინა ივანიშვილს ბიზნეს ცენტრისკენ დაიძრებიან, 17:00 საათზე, კი ბიზნეს ცენტრთან აქტივისტები დასავლეთ საქართველოდან ჩამოვლენ.
შემაჯამებელი აქცია 20:00 საათზე ბიძინა ივანიშვილის ბიზნეს ცენტრთან ჩატარდება.
ავტორი: ექსპრესნიუსი,
epn.ge (@expressnews.ge)
