2020-10-06 11:54:39, 1028 ნახვა
მსოფლიო
Amnesty International-მა ყარაბაღში კასეტური ბომბების უკანონო გამოყენება დაადგინა
Amnesty International-ის სამხედრო ექსპერტებმა დაადასტურეს, რომ აზერბაიჯანის არმიამ სტეფანაკერტის საცხოვრებელ უბნებში კასეტური ბომბები ჩამოყარა.
ამის შესახებ განცხადებას ორგანიზაცია თავად ავრცელებს.
Amnesty International აცხადებს, რომ კასეტური ბომბების გამოყენება ეწინააღმდეგება საერთაშორისო სამართალს, რადგან ამ იარაღის გამოყენებისას რთულია სამოქალაქო და სამხედრო სამიზნეების ერთმანეთისგან გამორჩევა. Amnesty International მოუწოდებს ყველა მხარეს დაიცვას სამოქალაქო პირები და ასევე მოუწოდებს სომხეთსა და აზერბაიჯანს შეუერთდნენ კასეტური ბომბების აკრძალვის შესახებ კონვენციას.
შეგახსენებთ, რომ აზერბაიჯანსა და სომხეთს შორის მთიან ყარაბაღში დაპირისპირეები 27 სექტემბერს დაიწყო.
ავტორი: ექსპრესნიუსი,
epn.ge (@expressnews.ge)
