2020-09-29 10:28:55, 487 ნახვა
საზოგადოება
ელიავას ბაზრობაზე ხანძრის შედეგად 15-მდე მაღაზია დაიწვა
დიდუბის რაიონის გამგებლის ირმა ზავრადაშვილის განცხადებით, ელიავას ბაზრობაზე გაჩენილი ხანძრის შედეგად 1000 კვ.მ. ფართობის ტერიტორია დაიწვა.
მისივე თქმით, როგორც ელიავას ბაზრობის მეპატრონე აღნიშნავს, ბაზრობა, სადაც ხანძარი გაჩნდა, დაზღვეულია.
„დამწვარია დაახლოებით 1000 კვ.მ. ეს არის 14-15 მაღაზია. ძალიან საშინელი მდგომარეობა იყო იმდენად, რამდენადაც ხის მასალები და პლასტმასის მასალები იყო ძირითადად და მოახერხეს მათი ლიკვიდაცია. როგორც მეპატრონე იძახის ბაზრობის ტერიტორია დაზღვეულია“, - განაცხადა ირმა ზავრადაშვილმა.
შეგახსენებთ, რომ ელიავას ბაზრობაზე წუხელ, გვიან ღამით ხანძარი იყო, რის შედეგადაც ხის მასალების საწყობი და რამდენიმე მაღაზია დაიწვა.
ავტორი: ექსპრესნიუსი,
epn.ge (@expressnews.ge)
