პრემიერ-მინისტრმა გიორგი გახარიამ მთავრობის სხდომაზე ქვეყანაში კორონავირუსის შემთხვევების ზრდაზე ისაუბრა და განაცხადა, რომ „ის რაც დღეს ხდება, მობილობის ზრდის შედეგია“.

მისი თქმით, ჯანდაცვის სისტემა სრულადაა მზად იმისთვის, რომ ინფიცირებულთა რაოდენობის ზრდა სრულად მართოს.

„გვაქვს ინფიცირების რაოდენობის მკვეთრი ზრდა, მაგრამ ეს იყო მოსალოდნელი.  ყოველთვის ვამბობდით, რომ შეზღუდვების მოხსნას მოჰყვებოდა ინფიცირების რიცხვის ზრდა. ის რაც დღეს ხდება, მობილობის ზრდის შედეგია, განსაკუთრებით აჭარაში, თუმცა ყველას უნდა გვესმოდეს, რომ ეს იყო პროგნოზირებადი, თუმცა ჩვენ ამისთვის ვემზადებოდით. დღეს ჩვენ ადაპტაციისა და მართვის ეტაპზე ვართ.

ეკონომიკის ინტერესებიდან გამომდინარე საგანგებო მდგომარეობისა და მკვეთრი შეზღუდვების დიდხანს გაგრძელება იყო შეუძლებელი და ჩვენ ყველამ ერთად ამ შეზღუდვების ეტაპობრივი მოხსნა დავიწყეთ, რაც იყო სრულად გამართლებული.

ჯანდაცვის სისტემა სრულადაა მზად იმისთვის, რომ ინფიცირებულთა რაოდენობის ზრდა სრულად მართოს. ყოველთვის ვამბობდით, რომ ვირუსის მართვის ეტაპზე მნიშვნელოვანია სისტემა, რომელმაც ინფიცირების შემთხვევები სწრაფად უნდა გამოავლინოს და გამოაჯანმრთელოს ისინი“, - განაცხადა გახარიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება