ძალიან ინტერესდებოდნენ სად დავდიოდი და ეს ბიჭი არ ეუბნებოდა, - ასე ეხმაურება თიანეთის მერი თამაზ მეჭიაური გიორგი ხუმარაშვილის საქმეს, რომელმაც გუშინ მასზე განხორციელებული ზეწოლის შემდეგ თვითმკვლელობა სცადა.

მეჭიაურის თქმით, შესაძლოა ბიჭზე „ქართული ოცნების“ წარმომადგენლები ზეწოლას ახდენდნენ, რათა ხელისუფლებისთვის მის შესახებ კონფიდენციალური ინფორმაცია მიეწოდებინა.

„გუშინ დილამდე არანიარ ვერსიას არ განვიხილავდი, მაგრამ მას შემდეგ, რაც დედამისმა კატეგორიულად თქვა ალბათ, რაღაც ინფორმაციას ფლობს. ჩემთან არის დაახლოებით წელიწად ნახევარი. პირადად მას არ უთქვამს, როგორც დედამისი ამბობს, რომ ვუთხარი რატომ არ მეუბნებოდა თუ რამე ჰქონდა? ახლა არჩევნების შემდეგ ვეტყვი. ძალიან ინტერესდებოდნენ სად დავდიოდი და ეს ბიჭი უკვე აღარ ეუბნებოდა. ეს არის ის, რაც დედამისისგან ვიცი. ღმერთმა ქნას ბიჭი გადარჩეს და ალბათ თვითონ იტყვის ყველაფერს“, - განაცხადა თამაზ მეჭიაურმა.

ცნობისთვის, ოჯახის განცხადებით, 23 წლის ბიჭზე „ქართული ოცნების“ წარმომადგენლები ზეწოლას ახდენდნენ, რათა ხელისუფლებისთვის თიანეთის მერის, თამაზ მეჭიაურის შესახებ კონფიდენციალური ინფორმაცია მიეწოდებინა. მათი თქმით, მეჭიაურის მძღოლს კონფიდენციალური ინფორმაციის მიწოდებას შალვა კერესელიძე და ზურაბ ბექაური აიძულებდნენ. 23 წლის გიორგი ხუმარაშვილმა გუშინ თვითმკვლელობა სცადა.

შინაგან საქმეთა სამინისტრომ თიანეთის მუნიციპალიტეტში მომხდარ თვითმკვლელობის მცდელობამდე მიყვანის ფაქტზე გამოძიება სისხლის სამართლის კოდექსის 115-ე მუხლის პირველი ნაწილით დაიწყო.

ავტორი: ექსპრესნიუსი,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი