პოლიტიკური ძალა, რომელიც თავს მემარჯვენეობაზე დებს, საბჭოთა „ურავნილოვკის“ პრინციპს გვთავაზობს, - ასე უპასუხა ეკონომიკისა და მდგრადი განვითარების მინისტრმა ნათია თურნავამ „ევროპული საქართველოს“ ერთ-ერთი ლიდერის გიგა ბოკერიას კითხვას გადასახადების დაწევის საკითხთან დაკავშირებით.

მინისტრმა ბოკერიას მიმართა კითვით, რატომ უნდა გაუნახევრდეს დეპუტატს საშემოსავლო გადასახადი, მითუმეტეს ის დისტანციური მუშაობის რეჟიმში იყო.

„რატომ უნდა გაგინახევრდეთ თქვენ საშემოსავლო გადასახადი? რატომ უნდა გაგიკეთდეთ პარლამენტის წევრს შეღავათი, რამდენადაც ვიცი დისტანციური მუშაობის რეჟიმში იყავით. შესაბამისად, მე ვფიქრობ რომ ეს არის უსამართლობა. იგივე მიდგომა გაქვთ ქონების გადასახადთან დაკავშირებით, საერთოდ წლის ბოლომდე გავანულოთ ქონების გადასახადიო ამბობთ. 430 მილიონს ველოდებით ბიუჯეტში ქონების გადასახადიდან. არ მესმის რატომ არ უნდა გადავახდევინოთ გადასახადი მსხვილ ბიზნესს, ან ყველა დარგს, ან იმ საწარმოებს, ვინც კოვიდის მიუხედავად შეუფერხებლად მუშაობდა.

გემახსოვრებთ ბატონო გიგა ტერმინი, ეს არის საბჭოთა „ურავნილოვკის პრინციპი“ და ძალიან მიკვირს, პოლიტიკური ძალა, რომელიც თავს დებს მემარჯვენეობაზე, „საბჭოთა ურავნილოვკის“ პრინციპს გვთავაზობს.

თქვენი ინიციატივები საშემოსავლო გადასახადის ნაწილში არის მინუს მილიარდ ექვსასი მილიონი ლარი დაკარგული ბიუჯეტისთვის. არ ვიცი რამდენად პასუხისმგებლიანია და რას ეფუძნება. თქვენ არ ხართ მარტო ამ ინიციატივებში, თქვენი კოლეგებს „ნაციონალური მოძრაობიდან“ ინიციატივა აქვთ, რომ საერთოდ გავაუქმოთ ქონების გადასახადი და საშემოსავლო.

ეს ჩამონათვალი თქვენი ინიციატივების ერთ რამეზე მეტყველებს, რომ თქვენ, თქვენი პოლიტიკური ძალა ძალიან კარგად, საღად, ობიექტურად აფასებთ საკუთარ პერსპექტივებს ამ არჩევნებში“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი