2015 წლის იანვარ-აგვისტოს პერიოდში, საქართველოს საერთაშორისო აეროპორტის მიერ გადაყვანილმა მგზავრთა რაოდენობამ 1 501 748 შეადგინა, რაც 2014 წლის ანალოგიურ პერიოდში გადაყვანილი მგზავრების რაოდენობაზე 10%-ით მეტია.

ამის შესახებ ეკონომიკისა და მდგრადი განვითარების მინისტრმა დიმიტრი ქუმსიშვილმა უწყებაში გამართულ ბრიფინგზე განაცხადა.

როგორც მინისტრმა აღნიშნა, ამავე პერიოდის მონაცემებით, თბილისიდან რუსეთის მიმართულებით (მოსკოვი, სამარა, სანკტპეტერბურგი, როსტოვი) მგზავრთა ნაკადი გაზრდილია. მისივე თქმით, 2014 წლის ანალოგიურ პერიოდთან შედარებით, 2015 წლის იანვარ აგვისტოში მგზავრთა ნაკადი 92 %-ით გაიზარდა.

„ყველაზე მნიშვენლოვანი ზრდა დაფიქსირდა თბილისი-მოსკოვის მიმართულებით გადაყვანილ მგზავრთა რაოდენობაში. კერძოდ გვაქვს 84%-იანი ზრდა. მიმდინარე წლის იანვარ-აგვისტოში, ორი ქვეყნის მიერ დანიშნული ავიაკომპანიების მიერ ჯამში 179602 მგზავრია გადაყვანილი, რაც 2014 წლის ანალოგიურ მონაცემებთან შეადარებით 84%-ით მეტია“, - განაცხადა ქუმსიშვილმა.

მინისტრის ინფორმაციით, თბილისი-მოსკოვის მიმართულებით, რეისებს 4 კომპანია ახორციელებს. ყველაზე მეტი მგზავრი - 52436 „ჯორჯიან ეარვეისს“ ჰყავს გადაყვანილი, მეორე ადგილიზეა „სიბირის ავიახაზები“ გადაყვანილი 50516 მგზავრით, მესამეზე კი, „აეროფლოტი“ – 47899 მგზავრით. მეოთხე და ყველაზე ნაკლები მგზავრი გადაყვანილი ჰყავს „ტრანსაეროს“ – 28751 მგზავრი.

„ჩვენთვის ძალიან სასიხარულოა, რომ სახეზე გვაქვს პირდაპირი შედეგი იმ დიდი მუშაობისა, რომელიც გაწულ იქნა საქართველოს საავიაციო ხელისუფლების მიერ, რათა 2008 წლიდან შეწყვეტილი პირდაპირი რეგულარული რეისები აღდგენილიყო. იყო ბევრი კრიტიკა ოპონენტების მხრიდან, თუმცა ჩვენ ვხედავთ ამ გადაწყვეტილების დადებით შედეგს. მათ შორის, ძალიან მნიშვნელოვანია, რომ ქართულ ავიაგადამზიდავს „აირზენას“ რუსეთის მიმართულებით გაეზარდა მგზავრთა ნაკადი დაახლოებიტ 32% პროცენტით, ხოლო უშუალოდ მოსკოვის მიმართულებით 15%-ით“, - განაცხადა ქუმსიშვილმა.

მინისტრის თქმით, 2015 წლის იანვარ-აგვისტოს პერიოდში რუსეთიდან საქართველოში 642 934  ვიზიტორი შემოვიდა. გასული წლის ანალოგიურ მაჩვენებლთან შეადრებით ვიზიტორთა რიცხვი 15%-ით გაიზარდა.

„მოგახსენებთ, რომ ვიზიტორები რუსეთიდან გამოირჩევიან ერთ-ერთი ყველაზე მაღალი მხარჯველუნარიანობით და 2015 წლის იანვარ-აგვისტოს პერიოდში მათმა მთლიანმა დანახარჯმა ქვეყნის ეკონომიკაში შეადგინა 756733318 ლარი“, - აღნიშნა მინისტრმა.

გარდა ამისა, ქუმსიშვილის ინფორმაციით, ამავე პერიოდში არაბთა გაერთიანებული საემიროების მიმართულებით მგზავრთა ნაკადი 64%-ით გაიზარდა (54559 მგზავრი).

„ასევე ზრდა გვაქვს ისრაელის მიამრთულებით დაახლოებით 32%-ით (67474 მგზავრი), აღსანიშნავია ასევე ყაზახეთის მიმართულება, სადაც აქტიური მარკეტინგული კამპანია ჩავატარეთ და შედეგიც სახეზეა. მგზავრთა ნაკადი 21%-ით (33649 მგზავრი) გაზრდილია“, - განაცხადა დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს