სამოქალაქო მოძრაობა შენმოქმედის ფარგლებში მრავალშვილიანი ოჯახების მხარდასაჭერად ახალი კამპანია იწყება. მათ ვისაც ეს ყველაზე მეტად სჭირდება, სექტორი 3 და ფონდი პროდემოსი უფასო ინტერნეტითა და კომპიუტერებით უზრუნველყოფს. 

კამპანიაში უკვე ჩართულია არაერთი პარტნიორი ორგანიზაცია. ინტერნეტ პროვაიდერი კომპანია მრავალშვილიან ოჯახებს 18 თვის განმავლობაში უფასო ინტერნეტს მიაწვდის. ბიზნესისა და საზოგადოებისთვის ცნობილი სახეების - გიორგი კეკელიძის, გოგა ჩანადირის, თაკო ჩხეიძის, ქეთი ხატიაშვილისა და სხვების ჩართულობით კი 5 სექტემბერს, დილის 11 საათიდან საქველმოქმედო ფლი მარკეტი გაიმართება, სადაც ნებისმიერი მსურველი შეძლებს შეიძინოს სხვადასხვა ნივთი და საკუთარი წვლილი შეიტანოს მრავალშვილიანი ოჯახების აუცილებელი ციფრული მოწყობილობების მიწოდებაში. 

ღონისძიება სექტორი 3-ის ღია სივრცეში მოეწყობა, სადაც დამსწრეები კერძებისა და ღვინის დაგემოვნებას, სახალისო აქტივობებში ჩართვას, ფოტოსესიის მოწყობასა და ქართველი მომღერლების ლაივ კონცერტის მოსმენასაც შეძლებენ. მონაწილეობის მსურველებს მეტი ინფორმაციის მიღება ამ ფეისბუქ event-დან შეუძლიათ.

„ერთად და ერთობით ნებისმიერ ჩვენგანს შეუძლია გახდეს შენმოქმედი და დაეხმაროს მათ, ვისაც ეს ყველაზე მეტად სჭირდება“ - აცხადებენ ორგანიზატორები. 

ღონისძიების გამართვის დრო: 5 სექტემბერი, 11:00 – 19:00

ღონისძიების გამართვის ადგილი: სექტორი 3, გიული ჭოხონელიძის 5

საკონტაქტო პირი: თიკუნა გუჩუა: t.guchua@sector3.ge, 577 261 358

ავტორი: NS (სტატია დაფინანსებულია),

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა