2020-09-03 14:33:13, 2557 ნახვა
საზოგადოება
პროკურატურა - შაქარაშვილის გვამი წყალში სიკვდილის დადგომიდან 3-4 დღე იმყოფებოდა
„შაქარაშვილის გვამი წყალში სიკვდილიდან 3-4 დღე იმყოფებოდა“ , - ამის შესახებ პროკურატურის ბრიფინგზე განაცხადეს.
ექსპერტიზის დასკვნის თანახმად, შაქარაშვილის სხეულზე დაფიქსირებული დაზიანებები სიკვდილამდე 10-20 წუთით ადრე მიყენებულია.
„ჩატარებული კვლევით ასევე დადგინდა, რომ გიორგი შაქარაშვილის სხეულზე არსებული დაზიანებები სიკვდილის წინა ახლო პერიოდშია განვითარებული, რაც მოიცავს დროის ინტერვალს 10 წუთიდან 20 წუთის ფარგლებში. ასევე, გვამის წყალში ყოფნის ხანგრძლივობა შეადგენს სიკვდილის დადგომიდან 3-4 დღეს.
აღნიშნული დასკვნა, საქმეში არსებულ სხვა მტკიცებულებებთან ერთობლიობაში ცალსახად ადასტურებს წარდგენილი ბრალდებების უტყუარობას - ბრალდებულთა მიერ გიორგი შაქარაშვილის მკვლელობის ფაქტს", - აცხადებენ პროკურატურაში.
ავტორი: ექსპრესნიუსი,
epn.ge (@expressnews.ge)
