2020-08-31 12:35:19, 1659 ნახვა

---

სერგი კაპანაძე - არჩევნების თარიღის დასახელების შემდეგ, ხელისუფლებაში „ქართული ოცნების“ ყოფნის ბოლო ორი თვის ათვლა დაიწყება

არჩევნების თარიღის დასახელების შემდეგ, ხელისუფლებაში „ქართული ოცნების“ ყოფნის ბოლო ორი თვის ათვლა დაიწყება, - ამის შესახებ „ევროპული საქართველოს“ საარჩევნო შტაბის ხელმძღვანელმა, სერგი კაპანაძემ განაცხადა.

მისი თქმით, აღნიშნული თარიღის გამოცხადებით „ევროპული საქართველოსთვის“ არაფერი იცვლება.

„ამ თარიღის გამოცხადებით „ევროპული საქართველოსთვის“ არაფერი არ იცვლება. მნიშვნელოვანია ის, რომ ამ თარიღის გამოცხადების მერე ოფიციალურად დაიწყება ათვლა „ქართული ოცნების“ ბოლო ორი თვის ხელისუფლებაში. იმიტომ რომ არჩევნებში „ქართული ოცნება“ დამარცხდება“, - განაცხადა კაპანაძემ.

ცნობისთვის, დღეს საქართველოს პრეზიდენტი სალომე ზურაბიშვილი საპარლამენტო არჩევნების თარიღს დაასახელებს. კონსტიტუციის თანახმად, არჩევნები ოქტომბრის ბოლო შაბათს, ამ შემთხვევაში 31 ოქტომბერს უნდა ჩატარდეს.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი