კომპანია „იმერეთის აგროზონის“ სასათბურე მეურნეობების კლასტერის განვითარების პროექტის პირველი ფაზა დასრულდა. ქართულ-ნიდერლანდურმა კონსორციუმმა „გეოჰოლდინგ & KSH“ კლასტერის კონცეფცია და სამუშაო გეგმა  მმართველი საბჭოს წევრებს წარუდგინა. ღონისძიებას გარემოს დაცვისა და სოფლის მეურნეობის მინისტრი ლევან დავითაშვილი და იმერეთის მხარეში სახელმწიფო რწმუნებული ზვიად შალამბერიძე ესწრებოდნენ.

„იმერეთის აგროზონის რამდენიმეწლიანი პროექტის განხორციელება მიმდინარე წლის ბოლოს დაიწყება. მისი მიზიანია, სასათბურე მეურნეობებში წარმოებულმა პროდუქციამ ჩაანაცვლოს იმპორტირებული ბოსტნეული და  სხვა სასოფლო- სამეურნეო პროდუქტი,  ასევე მოხდეს ქართული პროდუქციის საექსპორტო ბაზრებზე გატანა. შედეგად,  რეგიონში ჩამოყალიბდება 220 ჰა მიწის ფართობზე გაშენებული სანიმუშო აგროწარმოების ზონა, რომლის წარმტების შემთხვევაში, მსგავსი მეურნეობები სხვა რეგიონებშიც შეიქმნება“, - აღნიშნა ლევან დავითაშვილმა.

იმერეთის მხარის რწმუნებულის, ზვიად შალამბერიძის განცხადებით, პროექტის განხორციელება შესაძლებლობას მისცემს იმერეთის რეგიონის  მეწარმეებსა და ფერმერებს გაიზიარონ ევროპული ცოდნა და გამოცდილება და აწარმოონ მაღალი ხარისხის საექსპორტო პროდუქცია. პროექტის ფარგლებში,  დასაქმდება  900-ზე მეტი ადამიანი, რასაც  მნიშვნელოვანი ეკონომიკური ეფექტი ექნება იმერეთის რეგიონისთვის.

„იმერეთის აგროზონის“ სასათბურე კლასტერში დაგეგმილია სატრენინგო-სადემონსტრაციო ცენტრის ჩამოყალიბება, სადაც დაინტერესებული პირები შეძლებენ შეისწავლონ   თანამედროვე სასათბურე ტექნოლოგიები და დასაქმდნენ სასათბურე მეურნეობებში. კლასტერის ტერიტორიაზე შეიქმნება ლოგისტიკური ცენტრიც, რომელიც უზრუნველყოფს  წარმოებული პროდუქციის სხვადასხვა ბაზარზე წვდომას.

სასათბურე კლასტერის განვითარების პროექტს გარემოს დაცვისა და სოფლის მეურნეობის სამინისტროს ინიციატივით, სოფლისა და სოფლის მეურნეობის განვითარების სააგენტო განახორციელებს.

ქართულ-ნიდერლანდური კონსორციუმი გასულ წელს, „იმერეთის აგროზონის“ სასათბურე კლასტერის განვითარების პროექტზე გამოცხადებული საერთაშორისო კონკურსის საფუძველზე შეირჩა.

სასათბურე მეურნეობების კლასტერის კონცეფციის და სამუშაო გეგმის პრეზენტაციას    „იმერეთის აგროზონის“ მმართველი საბჭოს წევრებთან ერთად, საქართველოში აკრედიტებული დიპლომატიური კორპუსის, საერთაშორისო დონორი ორგანიზაციებისა და იმერეთის რეგიონის ადგილობრივი ხელისუფლების წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა