სამედიცინო თვითმფრინავი, რომლითაც რუსი ოპოზიციონერი ალექსეი ნავალნი სამკურნალოდ გერმანიაში გადაჰყავთ, ბერლინის აეროპორტში დაეშვა.

ამის შესახებ ინფორმაციას რუსული მედია ავრცელებს.

მათივე ცნობით, ნავალნის, ქალაქის ცენტრთან ახლოს, Charité-ის საავადმყოფოში გადაიყვანენ.

შეგახსნებთ, რომ თავდაპირველად რუსი ექიმები ნავალნის გადაყვანის წინააღმდეგი იყვნენ, თუმცა, მოგვიანებით განაცხადეს, რომ პაციენტის მდგომარეობა დასტაბილურდა და მის გერმანიაში გადაყვანას დათანხმდნენ.

ნავალნი ხუთშაბათს დილით ტომსკიდან მოსკოვში ბრუნდებოდა. თვითმფრინავში მან თავი შეუძლოდ იგრძნო, რის გამოც თვითმფრინავი დაუყონებლივ ომსკში დაეშვა.

ნავალნიის თანამშრომლები დარწმუნებულები არიან, რომ ის მოწამლეს. ომსკის ექიმებმა  განაცხადეს, რომ ვერ იპოვნეს ნივთიერება, რომელსაც მისი მოწამვლა შეეძლო. მათივე თქმით, ოპოზიციონერის ძირითადი დიაგნოზი მეტაბოლური დარღვევები იყო, თუმცა რამ  გამოიწვია ეს დარღვევა, უცნობია.

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება