ბაჩალიაშვილის ოჯახმა და ადვოკატმა მთავარ პროკურორთან შეხვედრა დაასრულა.

პროკურატურიდან გამოსვლის შემდეგ ჟურნალისტებთან კომენტარი ოჯახის ადვოკატმა გააკეთა.

მისი განცხადებით, პროკურატურა ოჯახის ყველა მოთხოვნას საქმის გამოძიებასთან დაკავშირებით დააკმაყოფილებს.

„ჩვენ გვქონდა საფუძვლიანი ეჭვი, რომ ავტომანქანა ხუთი დღის მანძილზე იმ ტერიტორიაზე არ იმყოფებოდა, დავუსვით კითხვები ამ საკითხთან დაკავშირებით პროკურორს.

დაგვპირდნენ, რომ ამ საკითხის ირგვლივ იქნება გამოძება და დროში არ გაიწელება, ამოღებული იქნება სატელიტის ფოტოებიც, რომელიც ასევე ლოგიკური დროის მონაკვეთში მოხდება.

შეგვიძლია ვთქვათ, რომ უცხოელი გამომძიებლები ყველა ექსპერტიზის საქმეში ჩაერთვებიან ცოტახანში.

ეს არ იყო დაპირება, ნამდვილად კარგი სპეციალისტები არიან, რომლებიც ძალიან მალე გაეცნობიან საქმეს.  ასევე იქნება კომპლექსური ექპერტიზებიც, რომლებშიც მეც მივიღებ მონაწილეობას. ჩვენი პოზიცია და მოთხოვნა, რომ საქმე გაგრძელდეს ისე როგორც უნდა იყოს, ეს ესე მოხდება.

რაც შეეხება კომპიუტერსა და მობილურს, რაც არის ჩვენი მოთხოვნა, გაკეთდება იმ პერიოდში.

შემიძლია გითხრათ, რომ გამოძიება იქნება იმ ვადებში, რომელიც ოჯახისთვისა და საზოგადოებისთვსი სრულებით მისაღებია, დარწმუნებით ვიტყვი, რომ არ დაფიქსირდება არანაირი  დროში საქმის გაჭიანურება.

ნდობას გამოვუცხდებთ მაშინ როდესაც დავინახავთ შედეგს. დაპირება არის, რომ ხუთშაბათს დამხვდება ჯგუფი, რომელიც იმუშავებს ამ საქმეზე, გამაცნობს ყველა დეტალს და ვიმუშავებ მათთან ერთად. არ იქნება ისე, როგორც ადრე, მოვდიოდი გამაცნობდნენ ახალი რა იყო და მორჩა. ამის შემდეგ გაჩნდება ნდობა პროკურატურის მიმართ.

ვისაუბრეთ კვალიფიკაციის შეცვლაზეც, სატელიტური სურათები და ექსპერტიზა იმოქმედებს ამ ცვლილებაზე.

შუალედური დასკვნა იქნება რამდენიმე დღეში, ხოლო საბოლო დასკვნას უცხოელი სპეციალისტები თვის ბოლოს დადებენ, როდესაც შეისწავლიან ექპერტიზის პასუხებს“ , - განაცხადა ადვოკატმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა