„თამამად შემიძლია ვთქვა, რომ ხუთი დღის მანძილზე თამარის მანქანა იქ არ იყო და პოლიცია ცრუობს“, - ამის შესახებ გარდაცვლილი თამარ ბაჩალიაშვილის ოჯახის ადვოკატმა, მიხეილ რამიშვილმა განაცხადა.

მან ასევე აღნიშნა, რომ არსებობს ვიდეო მასალა, რომელიც ამტკიცებს, რომ ტერიტორიაზე უამრავი ნახირი მოძრაობს და ცხედრის პოვნა უფრო ადრე შეიძლებოდა.

„როდესაც ავტომობილი აღმოჩინეს, საუბარი იყო, რომ მთელი 5 დღის განმავლობაში ანუ 18 ივლისიდან ავტომობილი იდგა იმ ადგილას და სულ შემთხვევით აღმოუჩენია მწყემს, ამ დროის მანძილზე ყველანაირად მიმდინარეობდა თურმე დრონის მიერ ამ ტერიტორეიბს დათვალიერება და რადგანაც ვერ მოახერხა დრონმა დაეფიქსირებინა ეს ყველაფერი, აღმოაჩინა მწყემსმა.

მიუხედავათ იმისა, რომ თურმე იმ ტერიტორიაზე ნახირი გადაადგილდება ხუთი დღის მანძილზე ეს მანქანა ვერავინ ნახა. ჩვენ ერთი თვის განმავლობაში, ვცდილობდით დავრწმუნებულიყავით რამდენად სიმართლეს ამბობდნენ პოლიციელები, მაგრამ სრული დარწმუნებით ვიტყვი, რომ ეს არის სიცრუე და არანაირი ხუთი დღე იქ მანქანა არ იყო.

ჩემი ინფორმაციით, მიმდებარე სოფლების მოსახლეობა ჰყავთ ტერორის ქვეშ, მაგრამ ერთმა მაინც ივაჟკაცა და მან სამი დღის ჩანაწერი გააკეთა, თუ როგორ დიდი რაოდენობის ნახირი გადაადგილდება და ამ ნახირს თავისი მწყემსი ჰყავს, თავისი დამცველი ოთხფეხა ძაღლი და შემიძლიათ გითხრათ, რომ იქ ავტომობილი არ დგას და არ იდგებოა ის ხუთი დღე.

ჩვენ ხვალ შევხდებით მთავარ პროკურორს და ამ კითხვებზე ძალიან დეტალურად მოუწევთ პასუხის გაცემა.

მე შემიძლია ვთქვა, რომ არანაირ თვითმკვლელობაზე არაა საუბარი“, -  განაცხადა მიხეილ რამიშვილმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა