„ევროპული საქართველოს“ წევრი გიგა ბოკერიამ „დღის კურიერში“ განაცხადა, რომ ქართულმა მხარემ აგვისტოს ომში ერთადერთი შეცდომა დაუშვა, რომ ქვეყანამ რუსეთს სამშვიდობო სტატუსი არ ჩამოართვა.

ბოკერიას თქმით,  მსგავსი ნაბიჯი პოლიტიკური და დიპლომატიური თვალსაზრისით შეავიწროებდა რუსეთს. მაგრამ როდესაც აღნიშნული საკითხი დღის წესრიგში დააყენა მაშინდელმა პარლამენტმა, ჩვენი ქვეყნის მოკავშირეები ამ გადაწყვეტილების მხარდამჭერნი არ აღმოჩნდნენ.

„ერთადერთი ჩვენ ფუნდამენტურ შეცდომად მივიჩნევ, რომ რისკზე არ წავედით - ეს იყო სამშვიდობოებისთვის სტატუსის ჩამორთმევა, რა ინიციატივაც დადგა მაშინ. საქართველოს პარლამენტმა დააყენა ეს საკითხი, რაც დიპლომატიურად და პოლიტიკურად შეავიწროებდა რუსეთს. თუმცა იმ მომენტში ჩვენი მოკავშირეებიც კი არ იყვნენ ამის მხარდამჭერები, იმიტომ, რომ არ სურდათ ვითარების გამწვავება. სწორედ ის იყო მთავარი, პატიოსანი შეცდომა. როდესაც ჩვენ ვეუბნებოდით მათ, ეს აღწერილი აქვს სხვათა შორის, სახელმწიფო მდივანსაც, კონდოლიზა რაისს თავის მემუარებში, რომ რუსეთი ამას აპირებს, აქეთკენ მიდის ყველაფერი, განწყობა იყო, რომ იცი რა, ეს არ მოხდება, არ იფიქროთ ამაზე, რუსები ამას ვერ იზამენ. ეს დიდი შეცდომა იყო“, - განაცხადა გიგა ბოკერიამ „რუსთავის 2-ის“ ეთერში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს