ეროვნული ბანკის პრეზიდენტმა გიორგი ქადაგიძემ, თბილისში მიმდინარე საერთაშორისო კონფერენციაზე სიტყვით გამოსვლისას, ეროვნული ვალუტის გაუფასურების მიზეზები კიდევ ერთხელ განმარტა.

ქადაგიძის შეფასებით, ლარის გაუფასურება ქვეყანაში ექსპორტის და ძირითადი დაფინანსების წყაროების შემცირებამ გამოიწვია. სიტუაციიდან გამოსავალი, მისივე განმარტებით, ქვეყანაში შემოსავლების დაბრუნებაა და არა კურსის ხელოვნურად გამყარება, რაც ყველაზე დიდი რესურსის მქონე ქვეყნებმა - ყაზახეთმა და აზერბაიჯანმაც ვერ შეძლეს.

„საქართველო და რეგიონში ყველა სხვა ქვეყანა, ეკონომიკური შოკი განიცადა. ეს იმას ნიშნავს, რომ ჩვენი ექსპორტი შემცირდა, შემცირდა ძირითადი დაფინანსების წყაროები, შედეგად ჩვენი ვალუტაც გაუფასურდა. საქართველოს ეკონომიკა ძალიან დოლარიზებულია. მოსახლეობის 60%-ს სესხი უცხოურ ვალუტაში აქვს, შემოსავალი კი ლარში. რეალობაში ერთადერთი გრძელვადიანი გადაწყვეტილება იქნება ქვეყანაში შემოსავლების დაბრუნება. ისეთი პატარა, ღია ეკონომიკისთვის როგორიც საქართველოშია, თითქმის შეუძლებელია ხელოვნურად კურსის გამყარება, თუ ამას დაიწყებ, ეს ნიშნავს, რომ ბაზრის საწინააღმდეგოდ თამაშობ. ამის გაკეთება ნამდვილად შეუძლებელია. ეკონომიკის ისტორიაში წარუმატებელი შემთხვევების ათასობით მაგალითი გვაქვს. ისეთი ქვეყნებისთვისაც კი, რომლებსაც მდიდარი რესურსი აქვთ, ყაზახეთი და აზერბაიჯანი, მათაც ვერ შეძლეს თავიანთი კურსის რეზერვებით შენარჩუნება და გამყარება, მათაც მოუწიათ გაუფასურების ატანა“, - აღნიშნა ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს