|
2015-09-08 09:43:37, 441 ნახვა
პოლიტიკა
არჩილ ყარაულაშვილი ჩეხეთის დელეგაციის წევრებს შეხვდა
მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი საქართველოში ვიზიტით მყოფ ჩეხეთის რესპუბლიკის დეპუტატთა პალატის თავდაცვის კომიტეტის დელეგაციის წევრებს შეხვდა. სახელმწიფო მინისტრის აპარატის ინფორმაციით, შეხვედრისას არჩილ ყარაულაშვილმა ჩეხეთის მხარეს მადლობა გადაუხადა საქართველოს ევროპული და ევროატლანტიკური ინტეგრაციის გზაზე აქტიური მხარდაჭერისთვის. მან დელეგაციის წევრებს მიაწოდა ინფორმაცია ქვეყანაში დემოკრატიული განვითარების მიმართულებით მიღწეულ პროგრესსა და ნატო-საქართველოს არსებითი ღონისძიებათა პაკეტით გათვალისწინებული აქტივობების ეფექტიან იმპლემენტაციაზე. ამ მხრივ სახელმწიფო მინისტრის პირველმა მოადგილემ ხაზი გაუსვა ცოტა ხნის წინ ნატო-საქართველოს ერთობლივი წვრთნისა და შეფასების ცენტრის გახსნის მნიშვნელობას. ამასთან, შეხვედრაზე არჩილ ყარაულაშვილმა ჩეხეთის მხარეს საქართველოში და ზოგადად რეგიონში არსებული უსაფრთხოების მდგომარეობა გააცნო. სახელმწიფო მინისტრის პირველმა მოადგილემ ისაუბრა რუსეთის მიერ წარმოებულ მზარდ ანტი-დასავლურ პროპაგანდაზე, რომელიც მიზნად ისახავს ქართულ საზოგადოებაში პესიმისტური განწყობების დანერგვას საქართველოს ევროპულ და ევროატლანტიკურ პერსპექტივებთან დაკავშირებით. ჩეხეთის რესპუბლიკის დეპუტატთა პალატის თავდაცვის კომიტეტის თავჯდომარე დევიდ კადნერმა მადლიერება გამოხატა აღნიშნული შეხვედრის ორგანიზებისა და საქართველოში არსებული სიტუაციის შესახებ ინფორმაციის მიწოდებისთვის. მან ხაზი გაუსვა საქართველოს მიმართ მტკიცე მხარდაჭერას და იმედი გამოთქვა თანამშრომლობის შემდგომი განვითარების თაობაზე.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსეთის ფედერაციამ შეუტია ოდესის ოლქის საპორტო ინფრასტრუქტურას
ათობით ადამიანი დაშავდა, საცხოვრებელი შენობა განადგურდა დნეპრზე მომხდარი დარტყმის შემდეგ
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)