2020-07-07 10:24:45, 1361 ნახვა
საზოგადოება
მესტიის მუნიციპალიტეტის სოფელ ხაიშთან გაჩენილი ხანძრის ქრობის პროცესი ამ დრომდე მიმდინარეობს
მესტიის მუნიციპალიტეტის სოფელ ხაიშთან გაჩენილი ხანძრის ქრობის პროცესი მთელი ღამის განმავლობაში მიმდინარეობდა და დილიდან კვლავ განახლდა.
როგორც „ექსპრესნიუსს“ საგანგებო სიტუაციების მართვის სამსახურში განუცხადეს, ადგილზე მუშაობს 110 მეხანძრე-მაშველი, 2 ვერტმფრენი და 7 ერთეული სახანძრო-სამაშველო ტექნიკა.
რთული რელიეფისა და ქარის გამო ხანძრის ლიკვიდირება ჯერჯერობით ვერ ხერხდება.
შეგახსენებთ, რომ სოფელ ხაიშთან ტყის მასივში გაჩენილს ხანძრის ქრობის პროცესი მესამე დღეა მიმდინარეობს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
