"ჩვენ თუ გვინდა ეკონომიკას გავუფრთხილდეთ, უნდა ვმართოთ ეპიდემია", - განაცხადა ფინანსთა მინისტრმა, ივანე მაჭავარიანმა გადაცემა „დღის ქრონიკაში" სტუმრობისას.

მისი თქმით, ეკონომიკის აღდგენისთვის გადამწყვეტი მნიშვნელობა აქვს არსებული სიტუაციის შენარჩუნებას, როდესაც საქართველო, პრაქტიკულად, Covid19-ისგან თავისუფალ ქვეყნად მიიჩნევა.

„ხშირად ამბობენ ეკონომიკა თუ Covid19-ის გავრცელება?! დამერწმუნეთ, ეკონომიკისთვის გაცილებით მნიშვნელოვანია ეპიდემიის მართვა  და მისი ფართოდ გავრცელების შეზღუდავა. მიშვებული ეპიდემიის პირობებში არც ეკონომიკა გაქვს და გავრცელებაც მასშტაბურია. თუ ავიღებთ ევროპის რამდენიმე ქვეყნის მაგალითს ვნახავთ, რომ ზოგიერთმა, ვირუსის მიმართ ძალიან ღია და ლიბერალური მიდგომა გამოიჩინა, იმისათვის რომ ეკონომიკა არ დაეზარალებინა. ზოგიერთმა ქვეყანამ კი, ერთთვიანი ან  6-კვირიანი მკვეთრი კარანტინი დააწესა. იქ, სადაც ეკონომიკური აქტივობა არ შეიზღუდა 4-5 თვის ჯამური ეფექტი მიიღეს შემდეგი: ქვეყანაში არის 10-ჯერ მეტი დაღუპული, ეკონომიკა კიდევ უფრო შენელებული, ვიდრე იმ ქვეყანაში, რომელმაც 4-6 კვირის ფასი გადაიხადეს, სრულად დაკეტა ქვეყანა, მაგრამ დღეს, გაცილებით უფრო ოპტიმისტია იქაური მომხმარებელი და გაცილებით უფრო ოპტიმისტურად გამოიყურება ქვეყნის ეკონომიკაც. დამერწმუნეთ, ეს არის ყველაზე სწორი ეკონომიკური გადაწყვეტილება, ჯობია, რომ ვიყოთ უფრო მკვეთრები,  მაგრამ უფრო მკაფიოები და დამაჯერებლები.  როცა საჭირო იყო მაქსიმალურად ჩავკეტეთ და როცა ვნახეთ რომ რისკი არ არის, გავხსენით მაქსიმალურად. ახლა ვხედავთ, რომ გარედან ვირუსის შემოსვლის რისკი მაღალია და მისი ეკონომიკური ფასი ძალიან მცირეა," - განაცხადა  ივანე მაჭავარიანმა.

ავტორი: NS (სტატია დაფინანსებულია),

სოციალური ქსელები

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო