ლევან ბერძენიშვილი: კვირიკაშვილის წარუმატებლობა მე არ დამინახავს

2015-09-01 14:24:57, 1575 ნახვა

კომენტარი

საპარლამენტო უმრავლესობის წევრის ლევან ბერძნიშვილის განცხადებით, საკადრო გადაადგილებების თაობაზე მისთვის არაფერი იყო ცნობილი, თუმცა ფიქრობს, რომ გიორგი კვირიკაშვილი საგარეო საქმეთა მინისტრის მოვალეობას თავს წარმატებით გაართმევს.

"კვირიკაშვილის წარუმატებლობა მე არ დამინახავს.თუ ლაპარაკია იმაზე, რომ ქვეყანაში პრობლემებია,მათ შორი ეკონომიკის სფეროში, ეს არ მგონია, რომ კვირიკაშვილისგან მომდინარეობდეს. როგორც პიროვნება იგი უაღრესად დადებითი, შრომისმოყვარეა",-განაცხადა ლევან ბერძენიშვილმა.

ამასთან, უმრავლესობის წევრის ეკა ბესელიას შეფასებით, დიმიტრი ქუმსიშვილი კარგი მენეჯერია და დარწმუნებულია, რომ ეკონომიკისა და მდგრადი განვითარების სამინისტროს წარმატებით წარუძღვება.

"დიმიტრი ქუმსიშვილი კარგი მენეჯერია, კარგი ხელმძღვანელია და ის წარუძღვება ამ სამინისტროს წარმატებულად, ჩვენ ვენდობით პრემიერის გადაწყვეტილებას",-განაცხადა ეკა ბესელიამ.

ცნობისთვის, ეკონომიკისა და მდგრადი განვითარების მინისტრი გიორგი კვირიკაშვილი დიმიტრი ქუმსიშვილმა შეცვალა, თავად გირგი კვირიკაშვილმა კი, საგარეო საქმეთა მინისტრის პოსტი დაიკავა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან