ქვეყანა უნდა გავათავისუფლოთ „რუსული ვირუსისგან“ - „გაბედეს“ წევრები აქცია-პერფორმანსებს მართავენ (ვიდეო)

2020-06-20 13:21:22, 1669 ნახვა

პოლიტიკა

მოძრაობა „გაბედეს“ წევრები 20 ივნისიდან ერთი წლის თავზე, აქცია-პერფორმანსებს მართავენ.

სამოქალაქო აქტივისტები იმყოფებოდნენ მთავრობის ადმინისტრაციასთან, სადაც სპეციალური ეკიპირებითა და სადეზინფექციო ხსნარებით შეწამლეს ტერიტორია. ამასთანავე, მათ ადგილზე ჰქონდათ მიტანლი ე.წ ხაფანგები, სადაც დამაგრებული ჰქონდათ ფულის კუპიურები.

სამოქალაქო აქტივისტებმა კანცელარიის შემდეგ, გადაინაცვლეს პრეზიდენტის ადმინისტრაციასთან.

ერთ-ერთი აქტივისტის განცხადებით, მათი მიზანია, რომ შეწამლონ სამთავრობო უწყებების ტერიტორია,რათა გაათავისუფლონ ქვეყანა „რუსული ვირუსისგან“.

როგორც ცნობილია, მოძრაობა „გაბედეს“ წევრები, ფრაქცია „ქართული ოცნება - დემოკრატიული საქართველოს" თავმჯდომარის, ბიძინა ივანიშვილის სასახლესთან გადაინაცვლებენ და შემდეგ, 7 საათზე, რუსთაველის გამზირზე აქციას შეუერთდებიან.