თუ ოპოზიცია იმოქმედებს ელჩების მოწოდების შესაბამისად, ეს მათთვის  უკეთესი იქნება , - ამის შესახებ საპარლამენტო უმრავლესობის წევრმა, ირაკლი კობახიძემ განაცხადა.

კობახიძემ ასევე აღნიშნა, რომ საკონსტიტუციო ცვლილებების ინიციატორები მართველი გუნდია და ისინი ამ ცვლილებებს მხარს უჭერენ.

„თუ ისინი იმოქმედებენ ელჩების მოწოდების შესაბამისად, მათ მიერ ხელშეკრულებით აღებული პასუხისმგებლობის შესაბამისად, ეს მათთვის იქნება უკეთესი. წინააღმდეგ შემთხვევაში, მე დარწმუნებული ვარ, საკონსტიტუციო ცვლილებები მაინც გავა, მაგრამ მათ მიადგებათ დამატებითი, კიდევ ერთი რეპუტაციული ზიანი.

ჩვენ, რა თქმა უნდა, კიდევ ერთხელ მადლობა უნდა გადავუხადოთ ელჩებს არა მხოლოდ მათი როლისთვის ამ შეთანხმების ხელმოწერაში, არამედ დღევანდელი განცხადებისთვისაც. დღევანდელი განცხადებით ელჩებმა კიდევ ერთხელ მოუწოდეს ყველა პოლიტიკურ პარტიას და თქვენ იცით, რომ ჩვენ ისედაც ვუჭერთ მხარს ამ საკონსტიტუციო ცვლილებებს, ჩვენ ვართ ამ ცვლილებების ინიციატორი, მათ მოუწოდეს შესაბამისად იმ პოლიტიკურ პარტიებს, რომლებიც უარს ამბობენ კენჭისყრაში მონაწილეობაზე, ჩაერთონ საპარლამენტო განხილვაში და მხარი დაუჭირონ საკონსტიტუციო ცვლილებებს",-განაცხადა ირაკლი კობახიძემ.​

ავტორი: ექსპრესნიუსი,

სოციალური ქსელები

ევროკავშირის დელეგაცია ნატოს სამიტამდე ანკარას ეწვევა

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს