2020-06-13 13:19:07, 1576 ნახვა

---

კალაძე ოპოზიციაზე - საერთო საარჩევნო სიასთან დაკავშირებით არ ვიცი რამდენად მოახერხებენ შეთანხმებას

ოპოზიცია საერთო საარჩევნო სიასთან დაკავშირებით არ ვიცი რამდენად მოახერხებს შეთანხმებას, - ასე გამოეხმაურა თბილისის მერი კახა კალაძე სააკაშვილის ინიციატივას, რომ ოპოზიციამ საერთო საარჩევნო სია შექმნას.

კალაძე აღნიშნავს, რომ ოპოზიციური პარტიის წარმომადგენელთა მიერ ბოლო დროს გაკეთებული განცხადებებიდან ირკვევა, რომ დაპირისპირებაა მათ შორის.

„არ ვიცი რამდენად მოახერხებენ შეთანხმებას იმიტომ, რომ ბოლო დღეების განმავლობაში მათი განცხადებებიდან ირკვევა, რომ აშკარად დაპირისპირებაა და ვნახოთ რა გადაწყვეტილებებს მიიღებენ, რას მოილაპარაკებენ“, - აღნიშნავს კალაძე.

შეგახსენებთ, რომ საქართველოს ყოფილი პრეზიდენტი მიხეილს სააკაშვილი ოპოზიციას ერთიანი საარჩევნო სიის შექმნისკენ მოუწოდებს.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი