2020-06-01 12:06:58, 1380 ნახვა
საზოგადოება
1-5 ივნისს საქართველოში ხანმოკლე წვიმა და ტემპერატურის 34 გრადუსამდე მატებაა მოსალოდნელი
გარემოს ეროვნული სააგაენტოს ინფორმაციით, 1-5 ივნისს საქართველოში სითბოს ფონზე მოსალოდნელია დროგამოშვებით ხანმოკლე წვიმა და ელჭექი, ზოგან შესაძლებელია სეტყვა.
სინოპტიკოსების პროგნოზით, 3-4 ივნისს იქროლებს დასავლეთის მიმართულების ძლიერი ქარი. ჰაერის ტემპერატურა დასავლეთ საქართველოს დაბლობში +24, +29, აღმოსავლეთ საქართველოს ბარში +29, +34 გრადუსია მოსალოდნელი.
რაც შეეხება დედაქალაქს, თბილისში ღამისა და საღამოს საათებში მოსალოდნელია ხანმოკლე წვიმა ელჭექით. 3 ივნისს, დღის მეორე ნახევრიდან და 4 ივნისს იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა +30, +32 გრადუსი დაფიქსირდება.
ავტორი: ექსპრესნიუსი,
epn.ge (@expressnews.ge)
