სტატისტიკის ეროვნულმა სამსახურმა საარსებო მინიმუმის ივლისის თვის მონაცემები გამოაქვეყნა.

საქსტატის ინფორმაციით, საარსებო მინიმუმის მოცულობა შემცირდა და საშუალო ოჯახის საარსებო მინიმუმმა 261 ლარი შეადგინა. შრომისუნარიანი მამაკაცის საარსებო მინიმუმი კი ივლისში 155 ლარი იყო.

როგორც სტატისტიკის ეროვნულ სამსახურში აცხადებენ, ამ მაჩვენებლის შემცირება ადგილობრივ პროდუქტზე ფასების კლებამ გამოიწვია.

საქსტატის მიერ ივლისში დადგენილი საარსებო მინიმუმი სხვადასხვა ტიპის ოჯახებისთვის შემდეგია:

შრომისუნარიანი მამაკაცის საარსებო მინიმუმი - 155 ლარი

საშუალო მომხმარებლის საარსებო მინიმუმი - 137 ლარი

საშუალო ოჯახის საარსებო მინიმუმი - 261 ლარი

ორსულიანი ოჯახის საარსებო მინიმუმი - 220 ლარი

სამსულიანი ოჯახის საარსებო მინიმუმი - 248 ლარი

ოთხსულიანი ოჯახის საარსებო მინიმუმი - 275 ლარი

ხუთსულიანი ოჯახის საარსებო მინიმუმი - 310 ლარი

ექვსსულიანი ოჯახის საარსებო მინიმუმი - 366 ლარი

ცნობისთვის, 2004 წლიდან საქსტატი საარსებო მინიმუმის მაჩვენებლებს ანგარიშობს იმ მინიმალური სასურსათო კალათის მიხედვით, რომელიც განსაზღვრულია და დადგენილია ,,საკვებ ნივთიერებებსა და ენერგიაზე ორგანიზმის ფიზიოლოგიური მოთხოვნილებებისა და საარსებო მინიმუმის განსაზღვრისათვის საჭირო სასურსათო კალათის შემადგენლობის ნორმებისა და ნორმატივების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2003 წლის 8 მაისის N111/ნ ბრძანების შესაბამისად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს