2020-05-07 15:38:19, 1975 ნახვა

---

რიჟვაძე - ხვალიდან მოგვეცემა საშუალება, რომ შევამსუბუქოთ და მოვხსნათ შეზღუდვები ქობულეთის ოთხ ადმინისტრაციულ ერთეულში

„უკვე ხვალიდან მოგვეცემა საშუალება, რომ შევამსუბუქოთ და მოვხსნათ შეზღუდვები ქობულეთის ოთხ ადმინისტრაციულ ერთეულში“, - ამის შესახებ აჭარის მთავრობის მეთაურმა თორნიკე რიჟვაძემ განაცხადა.

მისი თქმით, ამის მიზეზია ის, რომ აჭარაში მეშვიდე დღეა კოვიდ19-ით ინფიცირების ახალი შემთხვევა არ დაფიქსირებულა.

„ბოლო ერთი კვირაა ჩვენ უკვე აღარ გვიფიქსირდება არც ერთი ინფიცირების შემთხვევა და ყოველდღიურად დაახლოებით 300 ტესტზე მეტი კეთდება. ჩვენ უკვე ხვალიდან მოგვეცემა საშუალება, რომ შევამსუბუქოთ და მოვხსნათ შეზღუდვები ქობულეთის ოთხ ადმინისტრაციულ ერთეულში.

რაც შეეხება სასტუმროებს, გარდა იმ ხელშეწყობის ღონისძიებებისა, დაწესებული იქნება, რომ მაქსიმალურად დაიცვან მათ ჯანდაცვის რეკომენდაციები და უსაფრთოხების ზომები. ამ კუთხით, სახელმწიფო უწყებებთან ერთად კერძო სექტორი მაქსიმალურად იქნება ჩართული. მნიშვნელოვანია ამ სტანდარტების გათვალისწინება როგორც შიდაკონკურენციის ნაწილში, იგივე სასტუმროებში, ასევე გლობალური კონკურენციის ნაწილში, რათა მაქსიმალურად დაინერგოს უსაფრთხოების სტანდარტები“, - განაცხადა თორნიკე რიჟვაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი