2020-05-04 14:30:26, 1292 ნახვა

---

ბაქრაძე - არსებული ანტიკრიზისული გეგმა ვერ აამუშავებს ეკონომიკას, რადგან არ ითვალისწინებს გადასახადების შემცირებას

„ესაა არასრულყოფილი დახმარების გეგმა, რომელიც ვერ აამუშავებს ეკონომიკას, რადგან არ ითვალისწინებს გადასახადების შემცირებას“, - ამის შესახებ „ევროპული საქართველოს“ წევრმა დავით ბაქრაძემ განაცხადა.

მისი თქმით, არსებული ანტიკრიზისული გეგმა წინასწარ, ყოველგვარი დახმარების გარეშე ტოვებს მინიმუმ 600 000 თვითდასაქმებულს.

„მთავრობის მიერ წამროდგენილ გეგმას აქვს ორი ძალიან დიდი ხარვეზი. პირველი, ეს არის მისი არასრულყოფილება, მაგალითად გეგმა წინასწარ ყოველგვარი დახმარების გარეშე ტოვებს მინიმუმ 600 000 თვითდასაქმებულს საქართველოში.

გეგმა საარსებო მინიმუმზე ნაკლებით ეხმარება იმ ადამიანებს, ვისაც სამსახური ჰქონდა და ხელფასი დაკარგა. ანუ ესაა არასრულყოფილი დახმარების გეგმა, რომელიც ვერ აამუშავებს ეკონომიკას, რადგან არ ითვალისწინებს გადასახადების შემცირებას“, - განაცხადა დავით ბაქრაძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი