კორონავირუსის გამო, მიკროავტობუსების შესყიდვა დროებით გადაიდო, - ამის შესახებ დედაქალაქის მერმა, კახა კალაძემ „ფეისბუქით“ ვიდეომიმართვისას განაცხადა.

მისი თქმით, თბილისის მერია მიკროავტობუსების შესყიდვას მოგვიანებით აუცილებლად განახორციელებს.

„იმისთვის, რომ ქალაქში იყოს სუფთა ჰაერი და მდგომარეობა მოწესრიგდეს, ძალიან ბევრ მნიშვნელოვან პროექტს ვახორციელებთ. მაგალითად, დაწყებული გვაქვს საზოგადოებრივი ტრანსპორტის მთლიანი განახლება და ჩანაცვლება ახალი, ეკოლოგიურად სუფთა ავტობუსებით ჩანაცვლება, ეს პროცესი დაწყებულია. ასევე, მიკროავტობუსების მთლიანი ჩანაცვლება და განახლება მოხდება. უკვე ტენდერი იყო გამოცხადებული მიკროავტობუსების შესაძენად, თუმცა, არსებული რეალობიდან გამომდინარე, მოხდა პრიორიტეტების გადათამაშება და დროებით გადაიდო მიკროავტობუსების შესყიდვა, თუმცა ეს რა თქმა უნდა, განხორციელდება, ჩვენ მიკროავტობუსებს შევისყიდით. მაგრამ ეს ცოტა მოგვიანებით იქნება, რადგან დღეს, დღის წესრიგში სხვა პრიორიტეტები და მნიშვნელოვანი თემებია. ასევე ჩვენ ბევრი პროექტი განვახორციელეთ არსებული სკვერების, პარკების რეაბილიტაციისთვის, ზოგიერთ შემთხვევაში, სამუშაოები ამჟამადაც მიმდინარეობს და ზაფხულში უნდა დასრულდეს.

ალბათ, ქალაქში შეამჩნევდით გზაგამყოფებს, რომელიც მთლიანად ბეტონით იყო დაფარული. ყველგან, სადაც შესაძლებელი იყო, გავამწვანეთ, შევქმენით მწვანე სივრცე, რადგან დღეს ყველაზე მეტად ჩვენს ქალაქს სჭირდება, რაც შეიძლება ბევრი მწვანე სივრცე და სუფთა ჰაერი, რადგან ეს მნიშვნელოვანია ჩვენი ჯანმრთელობითვის, ჩვენი შვილებისა და მომავალი თაობებისთვის. დღეს შეიძლება ვინმემ თქვას, რომ რა დროს ასეთი პროექტების განხორციელებაა, მაგრამ ჩვენ მომავალზე უნდა ვიფიქროთ, ყოველთვის ამ საგანგებო მდგომარობაში არ ვიქნებით, ნელ-ნელა ნორმალურ ცხოვრებას უნდა დავუბრუნდეთ, დაიწყება სხვადასხვა ბიზნეს საქმიანობის გახსნითი ღონისძიებები, სხვადასხვა მიმართულებების, მაგრამ ძალიან ფრთხილად უნდა ვიყოთ, უნდა გავურთხილდეთ ერთმანეთს, ერთმანეთის ჯამრთელობას, დავიცვათ სოციალური დისტანცია, აუცილებლად საჭიროა პირბადეების ქონა, მნიშვნელოვანია ხელების ხშირი დაბანა, სადეზინფექციო ხსნარებით დამუშავება. როცა ჩვეულებრივი ცხოვრების რიტმს დავუბრუნდებით მაშინაც, ყველა იმ მოწოდებისა და მოთხოვნის გათვალისწინება მოგვიწევს, რომ მაქსიმალურად დაცული ვიყოთ, რადგან საუბარია ადამიანის სიცოცხლესა და ჯანმრთელობაზე“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა