ბუნკერში გამოკეტილი ივანიშვილი ცეკვა-თამაშის ხასიათზეა, სხვა ადამიანებს კი, ლუკმა პურის ფული არ აქვთ, - ამის შესახებ „ნაციონალური მოძრაობის“ ერთ-ერთმა წევრმა, თინა ბოკუჩავამ პარლამენტის რიგგარეშე პლენარულ სხდომაზე განაცხადა.

ბოკუჩავას თქმით, გახარია პარლამენტის პლენარულ სხდომაზე არყოფნით ადასტურებს, რომ ის ანგარიშვალდებული არა პარლამენტის, არამედ მოტიკტოკე პატრონის მიმართაა.

„თუ რამეს ითხოვს რეგლამენტი, ეს არის, რომ საგანგებო მდგომარეობის განხილვას უნდა ესწრებოდეს პრემიერ-მინისტრი. მინისტრი ამით ხაზს უსვამს პარლამენტის ბუტაფორიულ ხასიათს და ამბობს, რომ რეალურად ის ანგარიშვალდებული პარლამენტის წინაშე არ არის, არამედ ბუნკერში გამოკეტილი მოტიკტოკე პატრონის მიმართ არის ანგარიშვალდებული, ამას ამბობს გახარია, როგორც ჩანს მისი აქ არ ყოფნით.

ჩემი აზრით ძალიან მნიშვნელოვანია მოგვეცეს საშუალება კითხვები იმასთან დაკავშირებით, თუ როგორ აპირებთ გამოიკვებონ ადამიანები, ადამიანი, როდესაც ქვეყნის პატრონად აცხადებს თავს, ცეკმა-თამაშის ხასიათზეა, ბუნკერში გამოკეტილი, სხვა ადამიანებს ლუკმა პურის ფული არ აქვთ, როგორ აპირებთ გამოიკვებონ ელემენტარულად, ფუფუნების საგნებზე აღარ არის საუბარი“, - განაცხადა თინა ბოკუჩავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა