2020-04-20 18:07:27, 1529 ნახვა
კომენტარი
თელ-ავივში საპროტესტო აქცია სოციალური დისტანციის დაცვით გაიმართა
თელ-ავივში საპროტესტო აქცია ორ მეტრიანი დისტანციის დაცვით გაიმართა.
აქციის მონაწილეები პრემიერ-მინისტრის, ბენიამინ ნეთანიაჰუს წინააღმდეგ გამოვიდნენ და განაცხადეს, რომ პრემიერ-მინისტრი ისრაელის დემოკრატიას საფრთხეს უქმნის.
ორგანიზატორებმა წინასწარ მოამზადეს აქციისთვის 2 800 ნიშნული, სადაც აქციის მონაწილეები უნდა განთავსებულიყვნენ.
აქციის მონაწილეები რაბინის მოედანზე შეიკრიბნენ. ორგანიზატორების განცხადებით, აქციაზე ორჯერ მეტი ადამიანი მივიდა.
აღსანიშნავია ისიც, რომ ისრაელში კორონავირუსის გამო დაწესებული მკაცრი შეზღუდვების პირობებშიც კი, საპროტესტო აქციები ნებადართული იყო.
ფოტო: CNN
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
