კოჯრისა და წყნეთის გზაგასაყარზე მოწყობილი სპეციალური საგუშაგო კიკეთში განთავსდება, - ამის შესახებ დედაქალაქის მერმა, კახა კალაძემ „ფეისბუქით“ პირდაპირი ჩართვისას განაცხადა.

როგორც მან აღნიშნა, ამ მიმართულებით მოსახლეობას არანაირი პრობლემა არ შეექმნება.

„გუშინ დამატებითი შეზღუდვები დაწესდა, რომლის თაობაზეც პრემიერ-მინისტრმა ისაუბრა. ამასთან დაკავშირებით ძალიან ბევრი კითხვა შემოვიდა დედაქალაქის მერიაში, განსაკუთრებით კიკეთში მცხოვრები ადამიანების მხრიდან, რადგან კოჯრისა და წყნეთის გზაგასაყარზე მოწყობილი იყო სპეციალური საგუშაგო, სადაც პოლიცია და ჯარია განთავსებული და კიკეთი თბილისის მიღმა რჩებოდა.

შესაბამისად, ჩვენ არსებული მდგომარეობა გავითვალისწინეთ და ეს საგუშაგო გადაიწევს კიკეთში ისე, რომ იქ მცხოვრებ ადამიანებს, ან ისინი, ვინც ყოველდღიურად ადის-ჩამოდის და იქ იმყოფება, მათ არანაირი პრობლემები არ შექმნებათ“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო