„მთავრობის ყოვლად არგუმენგამოცლილი ბრალდებების ფასს, თითოეული ჩვენი მოქალაქე საკუთარი ჯობით იხდის“,-ამის შესახებ ეროვნული ბანკის პრეზიდენტმა გიორგი  ქადაგიძემ ჟურნალისტებს ეროვნული ბანკის მისამართით მთავრობის წევრების მიერ გამოთქმული ბრალდების საკითხის კომენტირებისას განუცხადა. 

მისი თქმით, ეროვნული ბანკი ამ პროცესში ჩართვას მომავალშიც არ აპირებს. 

„მიუხედავად იმისა, რომ ყველა საერთაშორისო ორგანიზაცია უპირობოდ მხარს უჭერს ეროვნული ბანკის მიერ განხორციელებულ პოლიტიკას და აღნიშნავს, რომ რეზერვების გამოყენება იქნებოდა გაფლანგვა. ამას ექნებოდა ძალიან უარყოფითი ეფექტი ეკონომიკისთვის  და თითოეული ჩვენი მოქალაქისთვის. დაჟინებით იყო მოთხოვნა ეროვნული ბანკის მიმართ.  არ წყდება კამპანია, შეტევა მონეტარული ინსტურმეტებისა და ზოგადად ეროვნული ბანკის დამოუკიდებლობის, ჩვენს მიერ განხორციელებული პოლიტიკისადმი. უკვე ტრადიციად იქცა მთავრობის სხვადასხვა წევრების და კოალიციის ლიდერების ყოვლადუარგუმენტო და ხშირ შემთხვევაში უბრალოდ კომიკური ბრალდებები. ჩვენ რა თქმა უნდა არც წარსულში და არც ახლა არ ვაპირებთ ამ ბრალდებებში ჩართვას. ვიზიარებთ იმ პასუხისმგებლობას რაც ჩვენ გვაკისრია. ვხედავთ, რომ ეს არის ძალიან მავნებელი და ცუდი ჩვენი ეკონომიკისთვის. ამ ყოვლად არგუმენტგამოცლილი ბრალდებების ფასს თითოეული ჩვენი მოქალაქე საკუთარი ჯიბით იხდის. ახლა არ არის ბრალდებების დრო, ახლა 24 საათიანი მუშაობისა და კონკრეტული შედეგის დადების დროა, რომელიც საბოლოო ჯამში შეამცირებს ჩვენ საზოგადოებაში არსებულ სოციალურ ტვირთს“,-განაცხადა გიორგი ქადაგიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს